ཉེ་དུས། གཟི་མིག་དགུ་པ་རོལ་ཚོགས་ཀྱིས་བོད་སྐད་ཀྱི་རོལ་དབྱངས་ཆེད་སྒྲིག་བཞི་པ་གང་མགྱོགས་འདོན་རྒྱུ་ཡིན་པ་དང་། ཆེད་སྒྲིག་གསར་པ་དེའི་ནང་དམངས་གཞས་གཉིས་འགྱུར་གཏོང་བྱས་ཡོད་པ་ཕུད་དེ་བྱིངས་ཚང་མ་གསར་རྩོམ་བྱས་པ་ཤ་སྟག་ཡིན། རོལ་དབྱངས་ཚོགས་པའི་ཁོངས་མིས་ད་ཐེངས་འདོན་རྒྱུའི་ཆེད་སྒྲིག་བཞི་པ་དེ་ནི་རྒྱ་ཆེའི་རོལ་དབྱངས་གསན་མཁན་གྲོགས་པོ་རྣམས་ཀྱིས་བོད་སྐད་རོལ་དབྱངས་ཚོགས་པར་ཐུགས་འཁུར་དང་རྒྱབ་སྐྱོར་གནང་བར་ཐུགས་བརྗེ་ཞུ་ཆེད་ཡིན་པས། རྒྱ་ཆེའི་བོད་སྐད་སྙན་དབྱངས་གསན་རྒྱུར་དགའ་པོ་གནང་མཁན་ཚོས་མུ་མཐུད་རྒྱབ་སྐྱོར་གནང་རྒྱུའི་རེ་བ་བྱེད་ཀྱི་ཡོད་ཅེས་བཤད་འདུག