སྤྱི་ཚེས ༨ ཉིན་གྱི་སྔ་དྲོ། རང་ལྗོངས་ཀྱི་དྲིལ་བསྒྲགས་བསམ་བློའི་རིག་གནས་ཁོངས་གཏོགས་ཀྱི་མི་རིགས་ཁག་དང་ལས་རིགས་ཁག་གི་བུད་མེད་འཐུས་མི་མཉམ་འཛོམས་བྱས་ཏེ། བཞུགས་མོལ་ཚོགས་འདུའི་རྣམ་པའི་ཐོག་ནས་སུམ་བརྒྱད་རྒྱལ་སྤྱིའི་ངལ་རྩོལ་བུད་མེད་དུས་ཆེན་བྱུང་ནས་ལོ་བརྒྱ་འཁོར་བར་རྟེན་འབྲེལ་ཞུས་པ་རེད། ལྗོངས་ཏང་ཨུད་ཀྱི་རྒྱུན་ལས་ཨུ་ཡོན། དྲིལ་བསྒྲགས་པུའི་པུའུ་ཀྲང་ཚུལ་གཡུས་དབྱིང་ཞུགས་མོལ་ཚོགས་འདུར་ཞུགས་པ་མ་ཟད། ལྗོངས་ཡོངས་ཀྱི་དྲིལ་བསྒྲགས་བསམ་བློའི་རིག་གནས་་ཁོངས་གཏོགས་ཀྱི་བུད་མེད་བློ་མཐུན་ཚོས་བུད་མེད་ཀྱི་རང་བཀུར་དང་རང་སྟོབས། རང་ཚུགས་བཅས་ཀྱི་སྙིང་སྟོབས་མུ་མཐུད་དར་སྤེལ་བཏང་སྟེ། མིག་རྒྱངས་སྔར་བས་རིང་བ་དང་སྔར་བས་དངོས་འཛིན་དངོས་སྒྲུབ་ཀྱི་སྙིང་སྟོབས་དང་སྔར་བས་དཔའ་ངར་ཆེ་སྐྱེས་ཀྱི་རྣམ་པའི་ཐོག་ནས། གོ་སྐབས་དམ་འཛིན་དང༌འགན་འཁྲི་ལྗིད་པོ་འཁུར་ཕོད་པ། དཀའ་སྤྱད་ཡར་བརྩོན་བཅས་ཀྱི་སྒོ་ནས། རང་ལྗོངས་ཀྱི་རིག་གནས་འཕེལ་རྒྱས་ཆེ་མོ་དང་དར་རྒྱས་ཆེ་མོ་ཡོང་རྒྱུར་སྐུལ་འདེད་གཏོང་རྒྱུ་དང་བོད་ཀྱི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་ཆེད་ལེགས་སྐྱེས་གསར་པ་འབུལ་རྒྱུའི་སྐུལ་ལྕག་བཏང་གནང་བ་རེད།
བཞུགས་མོལ་ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཧུའུ་ཇིན་ཐའོ་ཡིས་སུམ་བརྒྱད་རྒྱལ་སྤྱིའི་ངལ་རྩོལ་བུད་མེད་དུས་ཆེན་བྱུང་ནས་ལོ་བརྒྱ་འཁོར་བའི་ཚོགས་ཆེན་ཐོག་གནང་བའི་གལ་ཆེའི་གསུང་བཤད་དགོངས་དོན་བརྒྱུད་བསྒྲགས་སློབ་སྦྱོང་གནང་བ་དང༌། ལྗོངས་ཐད་གཏོགས་དྲིལ་བསྒྲགས་བསམ་བློ་རིག་གནས་ཁོངས་གཏོགས་ཀྱི་ཕུལ་བྱུང་བུད་མེད་ཀྱི་འཐུས་མི་བདུན་གྱིས་གཏམ་བཤད་སྤེལ་བ་རེད།
ལྗོངས་ཏང་ཨུད་དྲིལ་བསྒྲགས་པུའུ་དང༌བོད་ལྗོངས་ཉིན་རེའི་ཚགས་པར་ཁང༌། ལྗོངས་རིག་རྩལ་ལས་རིགས་མཉམ་འབྲེལ་ལྷན་ཚོགས། ལྗོངས་རིག་གནས་ཐིང༌། ལྗོངས་རླུང་འཕྲིན་གློག་བརྙན་བརྙན་འཕྲིན་ཅུད། ལྗོངས་གསར་འགྱུར་པར་བསྐྲུན་ཅུད། ལྗོངས་སྤྱི་ཚོགས་ཚན་རིག་ཞིབ་འཇུག་ཁང་སོགས་ཀྱི་བུད་མེད་འཐུས་མི་དྲུག་ཅུ་བཞུགས་མོལ་ཚོགས་འདུར་ཞུགས་ཡོད་པ་རེད།།
