རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཀྲང་ཆིང་ལི་ཡིས་ལྷ་སར་རྒྱལ་ཁབ་ལུས་རྩལ་ཅུས་ཏང་ཙུའུ་ཡི་ཁོངས་མི། ཅུས་ཀྲང་གཞོན་པ་ཡང་ཧུའུ་ཨན་གྱིས་སྣེ་འཁྲིད་གནང་བའི་བོད་སྐྱོད་རྟོགས་ཞིབ་ཚོགས་པ་བཅས་པ་དང་མཇལ་འཛོམས་གནང་བ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཨུ་ཡོན། དྲུང་ཡིག་ཆེ་མོ་མགོན་པོ་བཀྲིས་མཇལ་འཛོམས་གནང་སྐབས་ལྷན་དུ་ཕེབས་ཡོད་པ་རེད།
ཀྲང་ཆིང་ལིའི་ཡིས་བོད་ཞི་བས་བཅིངས་བཀྲོལ་བཏང་བའི་ཚུན་དང་ལྷག་པར་དུ་བསྒྱུར་བཅོས་སྒོ་དབྱེ་བྱས་ཚུན་ལུས་རྩལ་བྱ་གཞག་ཚུད་པའི་བོད་ཀྱི་དཔལ་འབྱོར་དང་སྤྱི་ཚོགས་ཀྱི་བྱ་གཞག་ཁག་ལ་གོང་འཕེལ་དང་ཡར་རྒྱས་བྱུང་ཡོད་ལ། ཉེ་བའི་ལོའི་རིང་རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱི་སེམས་འཁུར་རྒྱབ་སྐྱོར་དང་རྒྱལ་ཡོངས་ལུས་རྩལ་ཁོངས་གཏོགས་ཀྱི་ཤུགས་ཆེའི་རྒྱབ་སྐྱོར་འོག་རང་ལྗོངས་ཀྱི་ལུས་རྩལ་བྱ་གཞག་མགྱོགས་མྱུར་དང་སྐྱོན་བྲལ་ངང་གོང་འཕེལ་ཕྱིན་ཡོད་པ་རེད། ད་ཐེངས་ཅུས་ཀྲང་གཞོན་པ་ཡང་ཧྲུའུ་ཨན་ཆེད་མངགས་བོད་སྐྱོར་ལས་བྱེད་པར་གཟིགས་པ་དང༌། རང་ལྗོངས་ཀྱི་ལུས་རྩལ་བྱ་གཞག་གོང་འཕེལ་དང་ལུས་རྩལ་བོད་སྐྱོར་ལས་དོན་ལ་རྟོག་ཞིབ་མཛུབ་ཁྲིད་གནང་བར་ཕེབས་པ་དེའི་ཐོག་ནས་རྒྱལ་ཁབ་ལུས་རྩལ་ཅུས་ཀྱིས། བོད་ཀྱི་མི་རིགས་ཁག་གི་མི་དམངས་ལ་བརྩེ་བ་ཟབ་མོ་གནང་ལུགས་དང་ང་ཚོར་སེམས་འཁུར་དང་རྒྱབ་སྐྱོར་གནང་ལུགས་མཚོན་གྱི་ཡོད་པས་ང་ཚོར་སྐུལ་ལྕག་ཚད་མེད་ཐེབས་བྱུང་ལ་ང་ཚོས་བོད་ཀྱི་ལུས་རྩལ་ལས་དོན་སྔར་ལས་ལྷག་པའི་སྒོ་ནས་ལེགས་སུ་གཏོང་རྒྱུ་དང་། སྐས་རིམ་གསར་པའི་ཐོག་སླེབས་པ་བྱ་རྒྱུར་རོགས་རམ་ཡོང་ངེས་རེད་ཅེས་མཛུབ་སྟོན་གནང་བ་རེད།
ཡང་ཧྲུའུ་ཨན་གྱིས་མཇལ་འཛོམ་གནང་སྐབས་སླད་ཕྱིན་རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱིས་བོད་ཀྱི་ལས་དོན་སྐོར་གྱི་ཀྲུང་དབྱང་གི་བཞུགས་མོལ་ཚོགས་འདུ་ཐེངས་ལྔ་པའི་དགོངས་དོན་ལག་བསྟར་དོན་འཁྱོལ་ནན་ཏན་བྱེད་པ་དང་། བོད་ཀྱི་གོང་འཕེལ་དང་བརྟན་་ལྷིང་གྱི་བྱ་གཞག་ཁག་ལ་མུ་མཐུད་སེམས་འཁུར་དང་རྒྱབ་སྐྱོར་བྱེད་རྒྱུ་མ་ཟད། ལྷག་པར་དུ་ལུས་རྩལ་བྱ་གཞག་གོང་འཕེལ་བཏང་ནས་བོད་ཀྱི་མཆོང་སྐྱོད་ལྟ་བུའི་གོང་འཕེལ་དང་ཡུན་རིང་བདེ་འཁོད་མངོན་འགྱུར་ཡོང་ཆེད་ལེགས་སྐྱེས་དེ་བས་ཆེ་བ་འབུལ་རྒྱུ་ཡིན་ཞེས་གསུངས་པ་རེད།།
