ལྷ་ས་གྲོང་ཁྱེར་སྙེ་མོ་རྫོང་གིས་ད་ལོའི་སྤྱི་ཟླ ༥ པ་ནས་གྲོང་གསེབ་ཀྱི་མ་མཐའི་འཚོ་བའི་འགན་སྲུང་ལམ་ལུགས་དང་དབུལ་སྐྱོར་གསར་སྤེལ་སྲིད་ཇུས་ནུས་ལྡན་གྱིས་སྦྲེལ་མཐུད་ཚོད་ལྟའི་ལས་དོན་སྤེལ་བ་ནས་བཟུང༌། དར་རོང་གྲོང་རྡལ་ཚོད་ལྟའི་རྟེན་གཞི་བྱས་པ་དང་ཉིན་ཤས་གོང་ཚོད་ལྟའི་ལས་དོན་ཕྱོགས་ཡོངས་ནས་མཇུག་སྒྲིལ་ཏེ་རྫོང་ཡོངས་སུ་ཁྱབ་གདལ་གཏོང་བཞིན་ཡོད་པ་རེད།
ཤེས་རྟོགས་བྱུང་བར་གཞིགས་ན། རྫོང་དེ་ཡོངས་ཀྱི་ལམ་ལུགས་གཉིས་ནུས་ལྡན་ངང་སྦྲེལ་མཐུད་བྱེད་པའི་ཚོད་ལྟའི་ལས་དོན་བདེ་བླགས་ངང་སྤེལ་ནས་ཡོང་འབབ་དམའ་བའི་མི་འབོར་མུན་འཐོམས་ངང་རྒྱ་ཆེར་གཏོང་རྒྱུར་སྔོན་འགོག་བྱེད་ཆེད། སྙེ་མོ་རྗོང་གིས་ཚོད་ལྟའི་ལས་དོན་སྤེལ་བའི་ནང་ལམ་ལུགས་གཉིས་ནུས་ལྡན་ངང་སྦྲེལ་མཐུད་ཡོང་བ་བྱས་ནས་ཡོངས་འབབ་དམའ་བའི་ཁྱིམ་དུད་ཀྱི་གནས་ཚུལ་རྒྱུས་མངའ་ལོན་པ་བྱེད་པའི་བརྟག་དཔྱད་བྱས་པ་དང༌། སྤྱི་ལོ ༢༠༠༩ ལོའི་ལོ་་མཇུག་དུ་ཐོ་བཀོད་བྱས་པའི་མི་རེའི་ཆ་སྙོམས་ཡོངས་འབབ་སྒོར ༡༧༠༠ མན་ཆད་དེ་དབུལ་པོའི་དུད་ཚང་དུ་བརྩི་རྒྱུ་རྨང་གཞིར་བྱས་ཏེ། སྔར་ལས་ལྷག་པའི་སྒོ་ནས་ཡོངས་འབབ་དམའ་བའི་ཞིང་པའི་དུད་ཚང་དང་མུན་འཐོམས་ངང་ཐོ་བཀོད་བྱས་པའི་ཞིང་པའི་དུད་ཚང་གཙང་གཤེར་བྱེད་པའི་རྨང་གཞིའི་ཐོག་མིག་སྔར་སྙེ་མོ་རྫོང་གིས་ལམ་ལུགས་གཉིས་ཀྱི་ཕན་ནུས་ལྡན་པའི་སྦྲེལ་མཐུད་དབྱེ་འབྱེད་བྱེད་ཡུལ་རྫོང་དེ་ཡོངས་ཀྱི་་ཤང་བདུན་དང་གྲོང་རྡལ་གཅིག སྲིད་འཛིན་གྲོང་ཚོ ༣༢ བཅས་ཀྱི་དུད་ཚང་ ༢༡༧༨ དང་མི་གྲངས ༡༣༠༦༨ ལ་གཏན་འཁེལ་བྱས་ཡོད་པ་རེད།།
