སྤྱི་ཚེས ༨ ཉིན་གྱི་སྔ་དྲོ། རྒྱལ་ཡོངས་སྲིད་གྲོས་ཀྱི་ཨུ་ཡོན། རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཨུ་ཡོན། རང་སྐྱོང་ལྗོངས་སྲིད་གྲོས་ཏང་ཙུའུ་ཡི་ཧྲུའུ་ཅི། རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་པ་སངས་དོན་གྲུབ་ཀྱིས་རྒྱལ་ཡོངས་སྲིད་གྲོས་སྐབས ༡༡ པའི་ཚོགས་འདུ་ཐེངས་གསུམ་པའི་བུད་མེད་ཨུ་ཡོན་བཞུགས་གནས་སུ་ཕེབས་ཏེ་བུད་མེད་ཨུ་ཡོན་ཚོར་འཚམས་འདྲི་གནང་བ་དང་ཁོང་རྣམ་པར་དུས་ཆེན་གྱི་སྨོན་འདུན་བཟང་པོ་ཞུས་གནང་བ་རེད།
པ་སངས་དོན་གྲུབ་དང་བློ་བཟང་རྒྱལ་མཚན་གྱིས་ཨུ་ཡོན་ཚོས་ཚོགས་འདུའི་གོ་སྐབས་གཅེས་འཛིན་བྱས་ཏེ་བོད་ཀྱི་གོང་འཕེལ་དང་བརྟན་ལྷིང༌། བུད་མེད་ཀྱི་བྱ་གཞག་གོང་འཕེལ་གཏོང་རྒྱུ་བཅས་ཀྱི་ཆེད་དུ་ཐབས་དང་ཇུས་ཧུར་ཐག་བཏོན་ནས་ཕུལ་བྱུང་གི་སྲོལ་རྒྱུན་མུ་མཐུད་དར་སྤེལ་བཏང་ཐོག་ཕྱོགས་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་བྱེད་པའི་རླབས་ཆེན་ལག་ལེན་ནང་ཞུགས་རྒྱུའི་ཐུགས་རེ་གནང་བ་རེད།།
