རང་སྐྱོང་ལྗོངས་བུད་མེད་ལྷན་ཚོགས་ཀྱི་ཀྲུའུ་ཞི་གཞོན་པ་དབྱང་ཧྲུའུ་ཝུན་གྱིས་ངོ་སྤྲོད་གནང་བར་གཞིགས་ན། བུད་མེད་ཚོ་ལས་ཞུགས་ཐུབ་པ་དང་ཁོ་ཚོས་བྱ་གཞག་གཏོད་རྒྱུར་རོགས་རམ་བྱས་ནས་ཡོང་འབབ་འཕར་བ་བྱ་ཆེད་རང་སྐྱོང་ལྗོངས་བུད་མེད་མཉམ་འབྲེལ་ལྷན་ཚོགས་ཀྱིས་བསྟུད་མར་སྦྱོར་བརྡར་སྤྲད་པ་དང༌། གཙོ་བོ་ཞིང་ལས་དང༌ནགས་ལས། འབྲོག་ལས། ཞོར་ལས། ཉ་ལས་བཅས་ཐད་ཀྱི་ཚན་རིག་ལག་རྩལ་དང༌ཁྱད་ལྡན་ལག་ཤེས་བཟོ་ལས་ཐོན་རྫས། ལག་ཤེས་རྒྱུད་འཛིན་དང་ཚོང་གཉེར་དོ་དམ་སོགས་ཐད་སྦྱོང་བརྡར་སྤྲད་པ་རེད། རང་ལྗོངས་ཀྱིས་ན་ནིང་རྩལ་ནུས་སྦྱོང་བརྡར་རྟེན་གཞི ༥ གསར་འཛུགས་བྱས་པ་དང༌། སྦྱོང་བརྡར་མ་དངུལ་སྒོར་ཁྲི་ཚོ ༡༢༧ དང་ ༨༣༠༠ བརྩོན་ལེན་བྱས་པ་མ་ཟད་དོན་འཁྱོལ་བྱས་པ་རེད། རང་སྐྱོང་ལྗོངས་བུད་མེད་མཉམ་འབྲེལ་ལྷན་ཚོགས་ཀྱིས་ཐེངས་དང་པོར་ཁེ་ལས་ལ་བརྟེན་ནས་མཉམ་འབྲེལ་ཐོག་ཞིང་འབྲོག་ཁུལ་གྱི་བུད་མེད་ལ་དམིགས་པའི་ལས་ཞུགས་སྦྱོང་བརྡར་སྤྲད་པས། སྦྱོང་བརྡར་དང་རྒྱུགས་ལེན། ལས་གནས་ཐོག་བསྐྱོད་རྒྱུ། ལས་ཞུགས་བཅས་ཀྱི་ཐད་ཞབས་ཞུ་བྱེད་ཐུབ་པ་བྱུང་བ་དང་ཞིང་འབྲོག་ཁུལ་གྱི་བུད་མེད ༡༣༠ ལས་ཞུགས་ཐུབ་རྒྱུར་རོགས་རམ་བྱས་ཡོད་པ་རེད།།
