སྤྱི་ལོ ༢༠༡༠ ལོའི་ཀྲུང་གོའི་ལྷ་སའི་ཞོ་སྟོན་གྱི་ཚོང་འདུས་སྤྱི་ཟླ ༨ པའི་ཚེས ༡༠ ནས ༡༦ ཉིན་བར་འཇག་མ་གླིང་གར་ཚོགས་རྒྱུ་རེད། བྱེད་སྒོའི་རིང་བོད་ཀྱི་ཁྱད་ཆོས་ལྡན་པའི་ཚོང་ཟོག་འགྲེམས་ཚོང་དང་ས་ཁང་ཐོན་ལས་འགྲེམས་ཚོང༌། རླངས་འཁོར་དང་སྦག་སྦག་འགྲེམས་ཚོང༌། ཟས་རིགས་རིག་གནས་དུས་ཆེན། ཁྲེན་ཀོན་ཆུས་དགའ་སྐྱིད་གླིང་ནས་ཆང་དུས་ཆེན་བཅས་བྱེད་སྒོ་ཆེན་པོ་ལྔ་སྤེལ་རྒྱུ་རེད།
ཤེས་རྟོགས་བྱས་པར་གཞིགས་ན་དགའ་སྤྲོ་ལྡན་པའི་ཞོ་སྟོན་དང༌། སྤྲོ་སྣང་ལྡན་པའི་འཛད་སྤྱོད་ཅེས་པའི་བརྗོད་བྱ་གཙོ་བོའི་ཞོ་སྟོན་གྱི་ཚོང་ཟོག་འགྲེམས་ཚོང་གིས་ཚོང་པ་ཚོར་ཚད་ལྡན་འགྲེམས་སྟེགས ༣༥༠ མཁོ་འདོན་བྱེད་རྒྱུ་ཡིན་པ་དང༌། ད་ལྟ་བྱེད་སྒོ་ཁག་གི་གྲ་སྒྲིག་ཚོགས་ཆུང་གིས་ཚོང་འགུག་མ་འདྲེན་བྱེད་བཞིན་ཡོད་པ་རེད།།
