ཉེ་དུས་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་ཚོགས་ཀྱི་ཚོགས་འདུ་ཐེངས་གསུམ་པར་ཞུགས་མཁན་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་བྱམས་པ་ཕུན་ཚོགས་ཀྱིས་བོད་ལྗོངས་རླུང་འཕྲིན་ལས་ཁུངས་ཀྱི་གསར་འགོད་པའི་བཅའ་འདྲི་དང་ལེན་གནང་བ་རེད།
བྱམས་པ་ཕུན་ཚོགས་ཀྱིས་སྤྱི་ལོ༡༩༥༩ལོར་བྱས་པའི་བོད་ཀྱི་དམངས་གཙོའི་བཅོས་སྒྱུར་ནི་བོད་ཀྱི་ལོ་རྒྱུས་ཐོག་གི་ཆེས་རྒྱ་ཁྱབ་དང་ཆེས་གཏིང་ཟབ། ཆེས་ཡར་ཐོན་གྱི་དོན་སྙིང་ལྡན་པའི་སྤྱི་ཚོགས་ཀྱི་་འཕོ་འགྱུར་ཞིག་རེད་ལ་ཀྲུང་གོ་མི་དམངས་ཀྱིས་འཛམ་གླིང་གི་འགྲོ་བ་མའི་ཐོབ་ཐང་བྱ་གཞག་གི་གོང་འཕེལ་ལ་ཕུལ་བའི་གལ་ཆེའི་ལེགས་སྐྱེས་ཞིག་ཀྱང་རེད། དམངས་གཙོའི་བཅོས་སྒྱུར་བྱས་ཚུན་བོད་ཀྱི་སྤྱི་ཚོགས་འཕོ་འགྱུར་ཆེན་པོ་བྱུང་བའི་ཐོག་ནས་ཀྲུང་གོ་གུང་ཁྲན་ཏང་གི་འགོ་ཁྲིད་འོག་དང་སྤྱི་ཚོགས་རིང་ལུགས་ཀྱི་མེས་རྒྱལ་ཁྱིམ་ཚང་ཆེན་མོའི་ནང་བོད་ཀྱི་དཔལ་འབྱོར་སྤྱི་ཚོགས་གཞི་ནས་མཆོངས་སྐྱོད་ལྟ་བུའི་གོང་འཕེལ་ཡོང་བ་དང་། བོད་ཀྱི་མི་རིགས་ཁག་གི་མི་དམངས་གཞི་ནས་རྒྱལ་ཡོངས་མི་རིགས་ཁག་དང་མཉམ་དུ་རྒྱལ་ཁབ་ཀྱི་བདག་པོར་གྱུར་བ་དང་ཐུན་མོང་ཐོག་བདེ་སྐྱིད་ཀྱི་འཚོ་བ་གསར་གཏོད་དང་ལོངས་སྤྱོད་ཐུབ་པ་གསལ་བཤད་བྱུང་བ་རེད་ཅེས་གསུངས་པ་རེད།།
