རྒྱ་ཁྱོན་སྤྱི་ཁྲེ་ངོས་སྙོམས་གྲུ་བཞི་མ ༡༠༠༠ ཟིན་པའི་བོད་དམག་ཁུལ་ཁང་གི་ས་མཐོའི་རི་ཁུལ་དམག་མིའི་སེམས་ཁམས་སྦྱོང་བརྡར་བྱེད་ས་ཉེ་དུས་རི་ཁུལ་སྟོང་ཤོག་ཞིག་ཏུ་བསྐྲུན་ནས་བེད་སྤྱོད་གཏོང་འགོ་ཚུགས་པ་རེད།
སྟོང་དཔོན་ཧྥན་ཅན་གོའོ་ཡིས་ངོ་སྤྲོད་གནང་བར་གཞིགས་ན། སྦྱོང་བརྡར་བྱེད་ས་དེར་ཕྱི་རྒྱལ་གྱི་སྔོན་ཐོན་དམག་དོན་རིག་གཞུང་དང་ཐབས་ཤེས་སྤྱད་ཡོད་པ་དང༌། རྒྱལ་སྤྱིའི་སྔོན་ཐོན་དམག་མིའི་སེམས་ཁམས་སྦྱོང་བརྡར་བྱེད་སྟངས་དང་ཚད་གཞིར་གཞིགས་ཏེ་བསྐྲུན་པ་རེད། ཐང་དེར་མཁའ་དབྱིངས་རྒལ་ས་དང༌། དཀའ་ཚེགས་འགྲན་སློང་སོགས་རི་མཐོའི་སེམས་ཁམས་སྦྱོང་བརྡར་སློབ་གཞི་བཅུ་གཉིས་ཡོད་ཅིང༌། དཔོན་དམག་གི་སེམས་ཁམས་སྦྱོང་བརྡར་གྱི་དམིགས་སའི་རང་བཞིན་དང་ཕན་འབྲས་རང་བཞིན་མངོན་པ་བྱས་པ་མ་ཟད། སྦྱོང་བརྡར་གྱི་སྤྲོ་སྣང་རང་བཞིན་དང་འགྲན་རྩོད་རང་བཞིན་ཆེ་རུ་བཏང་ཡོད་པ་རེད།།
