ཉེ་དུས་ཐན་ཅིན་གྲོང་ཁྱེར་གྱི་འཕྲོད་བསྟེན་བོད་སྐྱོར་འཚམས་འདྲི་རྟོགས་ཞིབ་ཚོགས་པས་ཆབ་མདོ་ས་ཁུལ་དུ་རྟོག་ཞིབ་དང་བརྟག་དཔྱད་ལས་དོན་སྤེལ་བ་རེད། ཤེས་རྟོགས་བྱས་པར་གཞིགས་ན། ཐན་ཅིན་གྲོང་ཁྱེར་འཕྲོད་བསྟེན་ཅུས་ཀྱིས་ཆབ་མདོ་ས་ཁུལ་ལ་ཁ་གཏད་རོགས་སྐྱོར་བྱས་ཚུན་སྔ་རྗེས་སུ་ཕུལ་བྱུང་སྨན་བཅོས་ཆེད་ལས་བོད་སྐྱོར་ལས་བྱེད་པ་ཁག་མང་པོ་ཆབ་མདོ་ས་ཁུལ་དུ་བཏང་ནས་སྨན་བཅོས་ལག་རྩལ་གྱི་ཁ་གཏད་བོད་སྐྱོར་ལས་དོན་སྤེལ་བ་དང༌། སྨན་བཅོས་སྒྲིག་ཆས་ཆེ་གྲས་རོགས་སྐྱོར་ཐེངས་མང་བྱས་ཡོད་པ་རེད། ཆབ་མདོ་ས་ཁུལ་འཕྲོད་བསྟེན་ཁོངས་གཏོགས་ཀྱིས་ཀྱང་སྔ་རྗེས་སུ་སྨན་བཅོས་འཕྲོད་བསྟེན་ལས་དོན་པ་བཞི་བཅུ་ལྷག་ཙམ་ཐན་ཅིན་དུ་སློབ་སྦྱོང་བྱེད་པར་བཏང་ནས་ཆབ་མདོ་ས་ཁུལ་གྱི་འཕྲོད་བསྟེན་ཞབས་ཞུའི་ཆུ་ཚད་མཐོ་རུ་འགྲོ་བ་བྱས་ཡོད་པ་རེད།།
