བོད་ཀྱི་གནའ་བོའི་དབྱངས་ཡིག་ཞིབ་འཇུག་གི་རྒྱབ་ཤོག
བོད་ལྗོངས་མི་དམངས་དཔེ་སྐྲུན་ཁང་གིས་པར་དུ་བསྐྲུན་པའི་བོད་ཀྱི་གནའ་བོའི་དབྱངས་ཡིག་ཞིབ་འཇུག་ཅེས་པའི་དཔེ་དེབ་ནང་དུ། བོད་བརྒྱུད་ནང་བསྟན་གྱི་གྲུབ་མཐའ་ཁག་གིས་དུས་སྐབས་མི་འདྲ་བའི་ནང་གི་ཆོས་འཆད་རྩོད་དམ་ཀློག་པའི་རོལ་དབྱངས་ཀྱི་དབྱངས་ཡིག་དང་། རོལ་ཆས་དཀྲོལ་རྡུང་གི་རོལ་དབྱངས་ཀྱི་དབྱངས་ཡིག་བཅས་ཀྱི་གྲུབ་ཚུལ་དང་འཕེལ་རྒྱས། རྒྱུད་འཛིན་བཅས་བྱས་པར་འཚོལ་ཞིབ་བྱས་པ་མ་ཟད། རོལ་ཆས་མི་འདྲ་བའི་མ་ལག་གི་དབྱངས་ཡིག་གི་རྣམ་པ་དང་། དབྱངས་ཡིག་མི་འདྲ་བའི་མིང་གི་འདོགས་ཚུལ་དང་ནང་དོན། ལག་ལེན་ཁྲོད་ཀྱི་བཀོལ་སྤྱོད་རྩ་དོན་དང་བླང་བྱ་སོགས་གནད་འགག་རང་བཞིན་ལ་དབྱེ་ཞིབ་བྱས་ཏེ། མི་རབས་རྗེས་མ་རྣམས་ཀྱིས་བོད་བརྒྱུད་ནང་བསྟན་གྱི་རོལ་མོའི་དབྱངས་རྟགས་ལ་ཞིབ་འཇུག་བྱེད་པ་དང་། ཐ་ན་བོད་བརྒྱུད་ནང་བསྟན་གྱི་ཆོས་ལུགས་རོལ་དབྱངས་སྤྱི་ལ་སྒོ་ཀུན་ནས་ཞིབ་འཇུག་བྱེད་པར་རྨང་གཞི་བརྟན་པོ་བཏིངས་ཡོད།
བོད་ཀྱི་གནའ་བོའི་དབྱངས་ཡིག་ཞིབ་འཇུག་ཅེས་པར་ཕྱོགས་འགའ་ནས་བོད་ཀྱི་གནའ་བོའི་རོལ་མོའི་དཔེ་ཆར་དབྱེ་ཞིབ་ཞིབ་ཚགས་དང་གསལ་བཤད་གྲལ་དག་ཅིག་བྱས་ཡོད་ཅིང་། དེ་ནི་གཙོ་བོ་བོད་ཀྱི་ཕོ་བྲང་གི་གནའ་བོའི་རོལ་དབྱངས་ལ་ཐུགས་ཁུར་དང་ཤེས་རྟོགས་བྱེད་འདོད་ཡོད་པའི་ཤེས་ལྡན་པ་རྣམས་ཀྱིས་གནའ་བོའི་རོལ་མོའི་དབྱངས་ཡིག་འདི་དང་དེར་བཀོད་པའི་གླུ་གཞས་རྣམས་ལ་ཕྱོགས་སོ་སོ་ནས་རྒྱུས་ལོན་བྱེད་དུ་འཇུག་ཕྱིར་ཡིན།།
