ཉེ་དུས་ལྗོངས་ཏང་ཨུད་དྲིལ་བསྒྲགས་པུས་ཆེད་དོན་ཚོགས་འདུ་འཚོགས་ནས་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡིས་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་ཚོགས་ཀྱི་ཚོགས་འདུ་ཐེང་གསུམ་པའི་བོད་ལྗོངས་འཐུས་མི་ཚོགས་པའི་གྲོས་ཞིབ་ནང་ཞུགས་སྐབས་གནང་བའི་གལ་ཆེའི་གསུང་བཤད་ཀྱི་དགོངས་དོན་རྒྱུད་བསྒྲགས་དང་སློབ་སྦྱོང་བྱས་པ་རེད།
ཚང་མས་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་ཚོགས་ཀྱི་ཚོགས་འདུ་ཐེངས་གསུམ་པའི་བོད་ལྗོངས་འཐུས་མི་ཚོགས་པའི་གྲོས་ཞིབ་ནང་ཞུགས་སྐབས་གནང་བའི་གལ་ཆེའི་གསུང་བཤད་ཀྱིས། བོད་ཀྱི་ལས་དོན་ལ་གདེངས་འཇོགས་གང་ལེགས་གནང་ཡོད་པ་མ་ཟད་དེང་སྐབས་དང་སླད་ཕྱིན་དུས་སྐབས་ཤིག་རིང་གི་ལས་དོན་ལ་ཐུགས་རེ་ཟབ་མོ་དང་བླང་བྱ་དེ་བས་མཐོ་བ་བཏོན་ཡོད་པས་ང་ཚོས་ངེས་པར་དུ་སློབ་སྦྱོང་ནན་ཏན་དང་གོ་བ་གཏིང་ཟབ་ལེན་ནས། བསམ་བློ་ཀྲུང་དབྱང་གིས་བོད་ཀྱི་ལས་དོན་ཐད་གནང་བའི་ཐབས་ཇུས་བཀོད་སྒྲིག་ཁག་གི་ཐོག་གཅིག་གྱུར་ཡོང་བ་དང༌། བློ་རིག་དང་སྟོབས་ཤུགས་བོད་ཀྱི་མཆོང་སྐྱོད་ལྟ་བུའི་གོང་འཕེལ་དང་ཡུན་རིང་བདེ་འཁོད་ལ་སྐུལ་འདེད་གཏོང་བའི་བརྗེད་ཆེའི་ལག་ལེན་དངོས་ནང་གཅིག་འདུས་ཡོང་བ་བྱེད་དགོས་པའི་ངོས་འཛིན་གཅིག་མཐུན་བྱུང་ཡོད་པ་རེད།
ཚང་མས་སླད་ཕྱིན་ལས་ཀའི་ནང་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡི་གལ་ཆེའི་གསུང་བཤད་ཀྱི་དགོངས་དོན་དང་བོད་ཀྱི་ལས་དོན་སྐོར་གྱི་ཀྲུང་དབྱང་གི་བཞུགས་མོལ་ཚོགས་དུ་ཐེངས་ལྔ་པའི་དགོངས་དོན་དང་དམ་པོར་བསྟུན་ནས་དེ་བས་མཐོང་རྒྱ་ཆེ་བ་དང་དེ་བས་དཔའ་ངར་ཆེར་སྐྱེད། དེ་བས་སྤྱོད་ཚུལ་ཏན་ཏིག་ངང་རྣམ་པ་སྣ་ཚོགས་དང་ཐབས་ལམ་སྣ་ཚོགས་རྒྱུད་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡི་གསུང་བཤད་སྒྲོག་འགྲེལ་དང་དྲིལ་བསྒྲགས་ཤུགས་ཆེན་བྱས་ཏེ་རྒྱ་ཆེའི་ལས་བྱེད་མང་ཚོགས་ཀྱི་སྤྲོ་སེམས་དང་བྱ་བ་སྒྲུབ་པའི་ངར་ཤུགས་འཕེལ་བ་བྱས་ནས། ལྗོངས་ཡོངས་ཀྱི་གོང་འོག་ཚང་མས་གསུང་བཤད་ཀྱི་དགོངས་དོན་སློབ་སྦྱོང་དང་དྲིལ་བསྒྲགས་སྒྲིག་འཛུགས་ཡག་པོ་དང་ལྗོངས་ཡོངས་སུ་གསུང་བཤད་སློབ་སྦྱོང་ལག་བསྟར་དང་ལས་དོན་ཁག་ལ་སྐུལ་འདེད་གཏོང་བའི་ཁོར་ཡུག་བཟང་པོ་ཞིག་གཏོད་རྒྱུ་མ་ཟད། རང་ལྗོངས་ཀྱི་མཆོང་སྐྱོད་ལྟ་བུའི་གོང་འཕེལ་དང་ཡུན་རིང་བདེ་འཁོད་ལ་སྐུལ་འདེད་གཏོང་ཆེད་ལེགས་སྐྱེས་གསར་པ་འབུལ་རྒྱུ་ཡིན་ཞེས་གསུངས་པ་རེད།།
